El martes 18 entama la campaña de mecenalgu pal ¿Cuála ye?

El martes 18 de febreru a les 10.00 hores entama la campaña de mecenalgu pa sacar alantre'l ¿Cuála ye? El Xuegu de Preguntes d'Asturies. Tais sollertes que nos dos primeros díes habrá descuentos.

vkm.is/cualaye

El Gobiernu del Principáu considera a Acuto como actividá innovadora y danos el Cheque al Emprendedor

Prestanos dar a conocer que'l Gobiernu del Principáu d'Asturies reconoz a Acuto Xuegos como actividá innovadora y entramos con ellos na llinia d'ayudes al fomentu del emprendimientu innovador qu'abrió la Conseyería d'Industria y Empléu.


Tamos faciendo un xuegu de preguntes sobre Asturies y n'asturianu ¿ayúdesnos?

¿Cuála ye? El Xuegu de Preguntes d'Asturies

Tamos faciendo un xuegu de preguntes del tipu d'un Trivial o Preguntados, sobre Asturies y n'asturianu, y pa ello vamos necesitar de la vuestra ayuda ¿collabores pa facelo posible?

Vamos entamar una campaña de mecenalgu na plataforma Verkami, puedes siguir el proyectu equí: vkm.is/cualaye.

¡Tai atentos a les nuestres redes sociales!
Actualizamos los puntos de venta onde puedes alcontrar los nuestros xuegos n'asturianu
👧👦

Puedes mirar el mapa equí.
Hola! tamos faciendo una pequeña encuestina ente amigos, persones que mercaron los nuestros materiales y siguidores d'Acuto Xuegos pa conocer la so opinión con respectu'l proyectu y escuchar suxerencies. La encuesta ye anónima dafechu y tardase un par de minutos en facese. Si vos presta y vos apetez sedríanos de gran ayuda saber la vuestra opinión. Gracies per adelantáu!

https://forms.gle/JGJu8NHKUjUZBrKD8

Los nuestro xuegos

Acuto Xuegos ye una inicitiva que naz nel mes d'abril d'esti añu 2019 cola intención d'editar y espublizar xuegos y xuguetes n'asturianu pa la reciella. Entamamos cola salida al mercáu de tres xuegos distintos, un rompecabeces de 15 pieces col tema de les estaciones del añu, un xuegu de memoria de 18 cartes y finalmente un rompecabeces de 48 pieces basáu nel mapa d'Asturies col nome de pueblos y ciudaes n'asturianu y con illustraciones faciendo referencia a valores culturales de la nuestra tierra. Nestos momentos tenemos disponibles al Xuegu de les Pareyes y el Rompecabeces de les Ayalgues Asturianes, el rompecabeces de Les Estaciones del Añu ta escosáu.


Rompecabeces "Les Estaciones del Añu"


Rompecabeces "Ayalgues Asturianes"


"Xuegu de les Pareyes"